ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး ဝန်ကြီးဌာန၊ ပြည်ထောင်စုဝန်ကြီး ဒေါက်တာကံဇော်သည် ကုလသမဂ္ဂစီမံကိန်းဝန်ဆောင်မှုရုံး (UNOPS) ၏ မြန်မာနိုင်ငံဆိုင်ရာ ညွှန်ကြားရေးမှူးနှင့် ကိုယ်စားလှယ်ဖြစ်သူ Ms. Sara Austin Netzer နှင့်အဖွဲ့အား ၂၀၂၅ ခုနှစ်၊ ဧပြီလ ၄ ရက်၊ နံနက် ၀၉ ၀၀ နာရီတွင်လည်းကောင်း၊ ကုလသမဂ္ဂဖွံ့ဖြိုးမှုအစီအစဉ်(UNDP)၏ မြန်မာနိုင်ငံ ဆိုင်ရာ ဌာနေကိုယ်စားလှယ်ဖြစ်သူ Mr. Titon Mitra နှင့်အဖွဲ့အား နံနက် ၁၁၀၀ နာရီတွင် လည်းကောင်း နေပြည်တော်ရှိ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ရုံးအမှတ် (၁) ၌ လက်ခံတွေ့ဆုံခဲ့ပါသည်။

          ထိုသို့ တွေ့ဆုံစဉ် မြန်မာနိုင်ငံတွင် လတ်တလောကြုံတွေ့ခဲ့ရသည့် ငလျင်ဒဏ်သင့်ပြည်သူ များအတွက် UNOPS မှ အကူအညီပေးရေးကိစ္စများနှင့် UNDP ၏ အရေးပေါ်တုံ့ပြန်မှုအစီအစဉ်တို့နှင့် စပ်လျဉ်း၍ အဓိကဆွေးနွေးခဲ့ပါသည်။

တွေ့ဆုံပွဲသို့ ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန၊ ဒုတိယဝန်ကြီးနှင့် အဆင့်မြင့်အရာရှိများ၊ UNOPS နှင့် UNDP တို့မှ တာဝန်ရှိသူများ တက်ရောက်ခဲ့ကြပါသည်။