နေပြည်တော် မတ်လ ၁၉

ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသောင်းထွန်း သည် မြန်မာနိုင်ငံဆိုင်ရာ ကုလသမဂ္ဂဌာနေညှိနှိုင်းရေးမှူးဖြစ်သူ Mr. Ola Almgren အား ယနေ့ နံနက် ၁၁ နာရီခွဲတွင် နေပြည်တော်ရှိ ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေး ဝန်ကြီး ဌာန ဧည့်ခန်းမ၌ လက်ခံတွေ့ဆုံသည်။

တွေ့ဆုံစဉ် မြန်မာပြည်သူများ၏ လူနေမှုဘဝ မြင့်မားတိုးတက်ရေးအတွက် အစိုးရနှင့် ကုလသမဂ္ဂအဖွဲ့အကြား ပူးပေါင်းဆောင်ရွက်မှု မြှင့်တင်ရေးကိစ္စရပ်များ၊ COVID-19 နှင့် စပ်လျဉ်း၍ ကုလသမဂ္ဂအနေဖြင့် ပူးပေါင်းဆောင်ရွက်ပေးနိုင်သည့်ကိစ္စရပ်များ၊ မြန်မာနိုင်ငံ အစိုးရမှ COVID-19 အပေါ် ဆောင်ရွက်လျက်ရှိသည့် အစီအမံများနှင့် စပ်လျဉ်း၍ အမြင်ချင်း ဖလှယ် ဆွေးနွေးခဲ့ကြသည်။